藍花楹 漫天紫雨的花季
日本，你會諗起櫻花；加拿大，就一定係楓葉；荷蘭，唔使問就梗係鬱金香啦！至於澳洲，大家會聯想起邊隻花？
有冇聽過 藍花楹（Jacaranda）？
每逢10至11月，澳洲好多地方都見到紫藍花海，因為剛巧係 #藍花楹 嘅花季！不論喺 #悉尼、#墨爾本、珀斯、阿德萊德、布里斯班等地，都開滿藍花楹，只要上街走一轉，就會遇上漫天紫雨嘅藍花楹大道，簡直係靚絕嘅打卡熱點。
當地有個與藍花楹有關嘅有趣傳說，就係咁靚嘅藍花楹，竟然唔少學生哥對佢避之則吉！原來見到藍花楹開花，就意味踏入考試季節，傳說如果喺考試途中被掉落嘅藍花楹打中頭部，果日考試會唔合格！！
所以，當你行過見到有人刻意避開靚到飛起嘅藍花楹，兼且急急繞路走，果個人好可能就係學生🤣🤣🤣
趣聞講完。有興趣知多啲澳洲資訊嘅你，記得like我哋嘅fb page嘞！
（*網上圖片）
留言