墨爾本 悉尼繼續上榜
對於DSE成績未夠分入讀本地大學嘅同學仔，海外升學應是另一出路！
根據澳洲政府最近公佈嘅數字，今年申請到澳洲升學嘅香港學生，比去年同期增加16%，創咗3年以來嘅新高！
點解澳洲咁受同學仔歡迎？好多數據同指標都話比大家知，澳洲係宜居國家外，教育質素都獲非常高嘅評價。
根據 國際高等教育評級機構 Quacquarelli Symonds（QS）去年公佈 全球最佳留學城市排名，澳洲共有6個城市打入前50名，其中 墨爾本排名最高，居全球第3位，悉尼第9位，其餘3個城市分別係布里斯班（22位）、坎培拉（23位）、阿德萊德（25位）及珀斯（41位）。
QS指出，澳洲喺「吸引力」嘅指標特別有優勢，呢個指標係綜合咗國際認可嘅腐敗和污染衡量方法，以及經濟學人智庫（EIU）嘅宜居指數而計算出嚟。澳洲係呢幾方面表現突出，怪不得咁吸引海外留學生啦！
Comments