澳洲由2016年起規定每位申請學生簽證嘅人士都要提供GTE。
GTE係乜？全名係Genuine Temporary Entrant，即係臨時入境者聲明，GTE寫成點，直接影響申請攞唔攞到學生簽證㗎！
咁重要嘅話，要寫咩內容呢？簡單嚟講，內容圍繞以下5大主題👇🏻 🎯點解揀呢個課程 🎯點解揀呢間學校 🎯點解揀去澳洲讀書 🎯修讀課程跟你未來嘅工作／讀書計劃有咩關連 🎯有咩原因會令你喺澳洲修讀完課程後返回原居地
記住啊！有啲內容係一定唔可以寫，連提都唔提得，包括移民、長期居留、計劃喺澳洲工作等等，總之畀簽證管覺得你有機會留喺澳洲唔走，咁你嘅學生簽證就好大機會泡湯嘞！
仲有，GTE要親自撰寫，澳洲當局想申請人寫出自己最真實嘅想法，簽證管隨時有機會打畀你問，如果你嘅回覆同GTE內容唔一致，你的簽證就有機會被拒㗎！
Commentaires